Descrición

Flor de sabugueiro – O aroma silvestre que namora

Cando a primavera chama á porta en Os Biosbardos, o sabugueiro vístese de gala coas súas flores brancas e delicadas, coma quen se prepara para unha romaría natural. Cultivadas con agarimo en Galicia, estas flores ecolóxicas, recollidas a man, son un regalo aromático perfecto para quen busca sabor, saúde e unha chisca de maxia silvestre.

100% ecolóxicas e de confianza, medran sen présa, sen químicos e sempre en harmonía coa terra. O seu sabor suave con toques cítricos convérteas nun ingrediente versátil, ideal para receitas doces, bebidas refrescantes e até remedios tradicionais.

Como podes usalas?

Infusións relaxantes con aroma a bosque florido.
Xarabes caseiros para sobremesas ou refrescos.
Bolos e galletas con personalidade floral.
E por suposto, unha limonada de sabugueiro que é puro vicio.

Por se non abondase, o sabugueiro é coñecido polas súas propiedades antiinflamatorias e sudoríficas. Sabio e saboroso.

Receita express: Limonada de sabugueiro

Ingredientes:

5-6 flores de sabugueiro frescas
1 litro de auga
Zume de 2 limóns
3 culleradas de mel

Preparación:

Mestura a auga co zume de limón e a mel.
Engade as flores limpas e deixa repousar 24 horas na neveira.
Coa e serve ben fría. Refrescante, diferente e natural.

Recetas flor Saúco

Tamén compraron ...